العودة   منتديات مرح ليبيا > منتديات ادبية > الادب الشعبي

الادب الشعبي شعر, شعراء, تاريخ الشعر, تحميل شعر, تحميل اشعار, استماع , استماع للاشعار, موقع شعر, كتابة شعر


إضافة رد
 
أدوات الموضوع انواع عرض الموضوع
قديم 10-04-2010, 07:02 PM   #1
::مرحxمرح::
الصورة الرمزية ورفلى حر
 
ورفلى حر غير متواجد حالياً


بسم الله الرحمن الرحيم

فى راس بيت للشاعر نصيب السكورى أو للشاعر عمر العوكلى


ولى حد الان مش معروف من بدء هذه الملحمه ولكن مطلع القصيدة

ايقول

ما تقول حاشت ليلـــه ........ على نجع يطامن احذاه نزيلـــه
اخلى مراحها


درت بحث على القصيدة والقيت الردود فقط وما القيتش القصيدة الاصليه


يا ريت من عنده القصيده الاصليه أو عنده ردود ايحطها بيش انكملو القصيده كامله

بجميع ردودها


ونبدو بى رد الشاعر الكبير


عبد السلام بو جلاوى


ما تقول حاشت ليلـــه ........ على نجع يطامن احذاه نزيلـــه
اخلى مراحها
ما تقول جت ملفوفــه ........... شايله غراير للعـرا مسفوفــه
ثنتين وصليبه فوقهن مردوفـه ...... تتايز ابهن مستهديه الخويلـه
الها أيام مدفوعه اتقول كلوفــه ...... اسبوع وايش من جالو بعد تحميلـه
لجارهم القاصر عادين الشوفــه ...... جايبينله فوق الحمول عديله
نصيح النظر ع الصلب وان اشروفه ...... قال الهوا والطبل صار يلـه
زغاريت نسوانا وصوت ادفوفـه ...... تجاوب حنايا لوديه لوليله
وتجى لنجع بانى مضيفه لضيوفـه ...... اسياده يجودوا والسنين محيله
شيخه برز في الوطن بين اصفوفـه ...... عليه تنطبق قوله ايعز قبيـله
حنون ع اليتيم إنسان صاحب روفه ...... وعاقب الدار ان صار شيل ايشيـله
ويساعد الفقير اللى اصعاب اظروفه ...... وعابر السبيل اللى رماه سبيلـه
حمال ووسيع البال مو جفجوفـه ...... ولا يرهبه طاغى بكثرة خيله
قاد ضد قوته سرايا حوفــه ...... وينما لفت ع الوطن قوم دخيله
واجوادى عفيف النفس رافع شوفه ...... ما لشهوته نفسه اتطيح ذليلـه
كاره الطمع عارف اميول احجوفه ...... يداعى شرابه في هوى
الرذيله وعارف اللى منه يسير جروفـه ...... حتى لو تندم ما ندم يقضيله
وين ما يطول الوحل في غضروفه ...... العوده عليه تكون مستحيله
اخسر م الكرامه والشرف تفتوفه ...... دفع ثمن غالى غير مو صاحيله
وعنقل ليوم البعث فوق اكتوفه ...... على اثر عار في الدنيا اذنوب ثقيله
بلا طريق مداعى مع حجروفه ...... اتقود للمهالك فيه عين ضليلـه
امعا وطن مريب مظلمات اكهوفه ...... تايه امودر مارته ودليله
يتهمه بكثرة دوته واكلوفـــه ...... اللى ع الطريق الساهله يوميلـــه
الذاهب قوى عرفه صعيب انكوفـه ...... عليه فعل عيب وهو صواب اصفيله
شين الصباح يحق في شقلوفـــه ...... تقول بدر في لونه وفى تعديلـــه
والمضحك اللى متساومات اضلوفـه ...... كيف وردة الربيان متهييلــــه
والقرد في عيون امه هميل ادفوفــه ...... ولا صقر بوع ويم جللـــــيه
الانسان له طبايع في الحياه مألوفـه ...... جبل صم ثابت مصعبه تحويلـــه
اهناك شخص ميزانه اخفاف اصروفـه ...... واهناك شخص في الميزان يردع ميلــه
واهناك شخص مو صادف عمل معروفه ...... اثماره بعيد يطيح عوج نخيلــــه
الخير افعله وانساه لك مضيوفــه ...... اللى تديرها منه بلا تجميلــــه
والعيب يلد عيب ودوم عيب زلوفه ...... وللزارع الشر الشر هو الحصيلـــه
جبنالكم معانى وامثله معروفــه ...... بهن تفهموا مقصود ما نرميلــــه
يقراه الفهيم وما فتح مظروفــه ...... عنوان الجواب المحتوى يوريلــــه
سريب خطره عصران صاحب نوفه ...... شريف وعفيف ومنسبه من عيـــله
مو امخلفه بغنوف من بغنوفــه ...... امصفى شريف النسب في تنسيـــله
ولكن الدنيا بالخطر محفوفـــه ...... اكحيله فنت والشيخ ساق رحيلــه
عزاى لضناه انقول هى امخلوفـه ...... وهو بالهناءا في الاخره ندعيلــــه
مكتوب امحسوب العمر لازم يوفى ...... والموت حق ما منها اتفك وسيلـــه
وداره عمار ابسمعته مسقوفــه ...... وزين الطبايع ورثه لعويــــــله
يخلى عذاه اكوام فوق احروفــه ...... ارجاع الخريف اتبان جرة سيـــــله
العام الكبير اتحول غله كوفـــه ...... وفى حصايده يلهب الحول قصيــله
والعام العطيب تنال من كركوفـه ...... انتاج ما يرد اتعبك في بنتيلــــه
وعكس الزمان الماضيات اسيوفـه ...... ان دالك تذوق الويل من تهويـــله
حتى وهو زماناً ما عليه حسوفــه ...... اتغوص تطق الطين في برميـــله
الدنيا جميع الوانها مكشوفـــه ...... طليس حيلهن والزاهيات قليلـــه
تردح لك رديح امصوحبه امخفوفه ...... وتنكر سريبك بين يوم وليـــله
وتقابلك بصحه وجه مي مكسوفـه ...... وتضحك مع اللى ناويه تغييله
وتغفك ومن يالاك مي مغفوفــه ...... ولاعد اتقيلك كان ردت القيله
من جيهة اصحاب المعرفه معيوفـه ...... مالهم على قصقالها تعديلــه
اتخلى قويهـا يتقـى بكفوفــه ...... بين المرض والكبر بارد حيلـه
ولكن نصيبك م الحياة اتشوفــه ...... ووان الكروب الصبر راه فضيله
كلام خطره واحد اشهر بوقوفــه ...... مع من زرابه ظلم جاء يشكيـله
شخصيته اللى بالمرجله موصوفــه ...... راحت امعا خلوة امراح اكحيله
اللى قبل كانت في وطا مرضوفـه ...... بكل نوع من صنف النبات هميله
منبوت بر لا قوسه ولا بيروفـــه ...... ولا فيه تنظر صفصفه وانجيلــه
بعيد ع البقر والضان لا مقطوفـه ...... ولا مدوسه داير ابهر زغليلــه
نوار لسلسه تحلف عليه حلوفــه ...... قماش اطروحه اتجار للتكييلــه
متخابل ايكيد الواصفين اوصوفــه ...... فيه تنعدل ذروه الناب الميلـــه
اتقول في الخريف وفى الشتاء معلوف ...... عليها سنام اتحير في تمقيلـــه
سيدها على لخرين واخذ نوفــه ...... لها باختيار الدار والتمويلــه
وين جلم الجلام عقد صوفـــه ...... وطاب الشعير وصاحبه واتيلــه
خذا مع المناجل والشبك مصروفـه ...... وخيشه تقام الشمس في التقييلـه
هاذاك وان حدرتا وهى ملهوفـه ...... لمنهل عقار الها قديم عزيلــــه
التبن الرقيق يزمها سفسوفـــه ...... قال من القول السمح هيل اعطيله
بعد الانتشار اتحقها مضفوفـــه ...... تجضر عليـه وعندها تشتيلـــه
واتجر شور منهلها القود ولوفــه ...... ان كان تبعوها ما تريد بديلـــه
تقابل على حيضانه مصفوفـــه ...... جيش منتظم بالجمع لمر اعطيلــه
وين ما عقاب الصيف جت صيوفه ...... لمو كـارها تشعربها تمشيلـــه
تغافله وتعمد جيهتا امحدوفـــه ...... مـا يعنـها عنـان التقبيلـــه
وجاد الخريف ابمزن دار اعطوفـه ...... اشكعت فيه براقه وذاب نزيلـه
ما من عقيره جابها منسوفــه ...... ولا في الشتا وقف الغيث هطيـله
وهاج الغديد الحجل بو صرعوفه ...... بدا في الحطب والحيط بدهكيــله
حشاش منطنى خصن عليه اكيوفه ...... متجوشن ايدور في بلا ورقيلــه
زرق م العقاب ودارها لفلوفـه ...... وين كا نظر مشيه نهار ضليلــه
ابقى اتقول يدرب على معزوفه ...... يزيد كل ما جرب الها تعديلـه
عنيف شعت ما يرحم وهى مهفوفه ...... ان ميزر وزام وقام بتبقليـلـه
لنيابه ان كثر م الغياض اصروفـه ...... مفيت شى واحد ما القيت مثيلــه
صفاره انذار لمنطقه مقصوفــه ...... تنبيه لاستناف القصف صوت صكيلـه
مركز على بغداد وارض الكوفـه ...... كمين حى عامر دمره بليلــــه
سموه وين ما داروا عليه ابروفـه ...... اسلاحهم ذكى للبشر في تقتيلـه
حصد ارواح في كابل وفى كوسوفا ...... ورفع وجنين وقبلهن شاتيــــلا
نين ثاركم عيل حزم شرشوفــه ...... باحزام يتفجر وين زر فتيــــله
جيش الاعدا في لرض حط انوفـه ...... وبيض اوجوه العرب بمفاعيـــله
واخذ قرار الموت دافن خوفــه ...... وغاضب وزاهد في الحياة الهزيلــه
ولاخر اباروده ومالتوفــــه ...... يصطاد في العدا نازل عليهم ويلــه
نسف كم تبوس اطرافهم واطروفه ...... خلاهم شمارى موش متغاضيلـــه
مطاويح ما من جمجمه مشلوفـه ...... اليهود قتلهم يشفى ارواح عليـه
وما من جريح اقتله قو انزوفـه ...... والناجى ابدال الرجل داير قيلــه
ولاخر اختار لطايرة مخطوفــه ...... اهداف جابهن فوق الوطاه دقيلــه
تجار وعساكر مريبين اجلوفـه ...... عجنهم معا الركاب شيله بيلـــه
خليك من امتاه الامن بو شلوفه ...... هياله يعن اللهب زاد شعيلـــه
ارقى لساس متصدع على هيفوفه ...... هوابه حدر في النار بتصلويلــه
اجثثم انشالت بالوسخ مقحوفــه ...... سلاك سمح في مقتل انساء واعويله
وبوش ما اقدر ينقض ارواح الوفـه ...... اشفق عن رفيق الذان والبرطيلـه
احدود فزعته صرح بقولة سـوف ...... نركز على الارهاب نين نزيلــه
ولكن الواضح بالكلام اهدوفــه ...... امحرش على الاسلام متعبيلـــه
له م اليهود الكونيه مدفوفـــه ...... على ما ايريد الكونغرس ما ضيلـه
وضامن جميع اخسارته مصروفـه ...... من شور الخليج ولمن لإسرائيلــه
عطوا حق قاذفته امعا مقذوفــه ...... والجيش نال مطلوبه بلا تعطيلـــه
وسكير ونكير ووفروا حلوفــه ...... وعلاج الجريح وغارمين قتيلـــه
وكوني عنان ومجلسه مكتوفــه ...... ايديه وقوانينه بعد تفعيلـــــه
وان دارت قرار ايبيد بين ارفوفـه ...... القمه على راى البشير عميلــــه
نظرها قصير ان كان مي مكفوفه ...... وفى سمعها والسانها تثقيلــــه
توافق سواء ترضخ سواء معسوفه ...... اتبع وصوت الشعب ما تصغيلـــه
وياسر اميسر سلطته موقوفــه ...... نين عينوا محمود لتعرقيلـــــه
سواء برغبته ولاعمد منتوفــه ...... اكتاف من ولايم لحيته مسطيلـــه
عصاة العرب من راسها معكوفه ...... وفيهم يقنجوا بالعصا الطويلــــه
يجاروا يريدوا م الوطا شنتوفــه ...... وشارون طالب م الفرات لنيلـــه
اشروطه عليهم ع الدبر مردوفه ...... وما حد يعارض خوف من تزعيلـــه
المهم يرض ما ايصير اعزوفـــه ...... على حل بوش وفكرته الجميلـــه
املطخ بدم المسلمين اكفوفــه ...... امجرب الهم مشهور بتشنتيلــــه
امغير كيف ما يذبح انسان خروفه ...... مع من اكبار احبارهـم تحليلـــه
من ايهودى لحيته غفوفـــه ...... وقلبه على الاسلام في غليـــــه
مليان نين متزردم امعبا جوفـه ...... حتى ع المسيح بحقد وامقويلــــه
وجورج ايفذ في امرهم بحروفـه ...... اللى امحرفين اسياسته وانجيلــــه
بجيشه على بغداد صار ازحوفـه ...... يحساب في نهار يطول مو ساعيله
لكن امعا وابل ارقاق ازروفــه ...... اعجز عن اوصول الهدف باساطيله
ايريد يتسلم ورده اعطى خرشوفه ...... وشوك مختلف لصناف في تشكيلـه
حموه ديروا دونه تريس اجطوفـه ...... شباب وطن من صفوة مخاير جيله
الحاصل العب ع النار بو شفشوفه ...... بذيله وهو في النفط غاطس ذيلـه
وسواء له تكون اللى مضت شعوفه ...... والاينتصر شارون في تغفيلــه
وتفضل امريكا ع اليهود عطوفـه ...... ماى حامله لدموعهم تسييلــه
اساع ينكسر وتجى على نفنوفـه ...... ويلقى هدف لنجاس هو تضليلـه
على الله تصبح الارض به امخسوفه ...... لقــارون قبله ما جر يجريلــه
ورمل الجزيره يردمه بسيوفــه ...... ردمه اللى سموا العام بفيلــــه
وان كان صفنا سلم امام اصفوفه ...... ظنــ ينو للكويت اكليلــــه
اترابه انداس وثروته امغروفــه ...... وشيخهم امقابل عاصفه بدفيلــه
شايخ عليش وجغمته مرشوفـه ...... ولالـه قـرار ولابيده حيلـــه
بلا عقل رابط جمجمه منشوفـه ...... بعقال به حلال بلربعه تعقيلـــه
سواء عمد عينه باصبعه مطروفه ...... والام الغشم يحسابها تكحيلـــه
الحاصل سريبه ع اليسار احدوفه ...... خير من دواخ الراس في تفصيلــه
خطرها الالصفر غليظ ادفوفـه ...... وسيده اللى مسع كمل تمثيلـــه
لاجل أفكارى في الكلام قطوفه ...... انريد السموح اغلبت في تكميلــه
واختام العلل م النار يوم الطوفه ...... شفيع امته صلوا عليه جليلـــه

lgplm (( lhhjr,g phaj gdgi ))



التوقيع:



الدهر يومان ذا أمن وذا خطر &&&& والعيش عيشان ذا صفو وذا كدر

أما ترى البحر تعلو فوقه جيف &&&& وتستقر بأقصى قاعه الدرر

وفي السماء نجوم لا عداد لها &&&& وليس يكسف إلا الشمس لا القمر








تم تغيير الصوره بناءا على عنصرية الادارة وتقييدهم لحرية التعبير




神は、リビアとカダフィのみ
  رد مع اقتباس
قديم 10-04-2010, 07:10 PM   #2
::مرحxمرح::
الصورة الرمزية ورفلى حر
 
ورفلى حر غير متواجد حالياً

الشاعر: عبد الرحيم بو رابحة الفاخري


ما تقول حاشت ليلة..... امعا اسيابها عانت أجداب طويلة ......الدايم الله


ما تقول في موطنها.... عاشت دلال اوسيدها صاينها
وعين التميمي قبل هي امعطنها...... واتبان في اعقاب السد في التظليلة
مراعي العزيات ماردنها .........اللا غدير بوعسكر اومسهب سيلة
اومقطوعة العظام اوديرها تركنها........ ولايل بلا سايق على التقبيلة
وابير بالعقل عنده انزا تاقنها......... اوخشة تقاعي واجدة توصيلة
والراعي اغلب فيها اومالينها...... نشيط بات حارسها بعد تعقيلة
عشره في تكوبر ربنا كونوه....... كتلة سحاب حضن ع الوطا نزيلة
شابيب كم عقيره ابساط ملنها......... عاد برقهن يومي ابطولة ليلة
مدور حسن وادفوفته خلنها......... اللوان طيف نابت في وطى تفصيلة
والرايد اوصل عيلاته لحقنها .........اوكل غوش من جيتة مشا ابرحيلة
وقفول من بيعد العايزة جابنها .........ولبسو جديدهم جملة نسا واعويلة
غزيان العدو موحال مايخذنها..... الها ابطال كلتهم احماة نزيلة
والناس المسامي نعرفو معدنها........ ضد اللمراط عادتهم ايردو كيلة
وقصة حبيب متورخة كاينها.......... اقبالي مغير ناخذ اوقات طويلة
اودبر جميع اتعابها اوثمنها......... والقري غني هون خزينة ريلة
مسافة خلا في الحال ما اقطعنها.......... من وادي الشبيكة للغرابي ليلة
كان في لوم علي في كتب دونها .........انزاد ونقص يركب خطا ياويلة
الغاية اللي فاتت ادجي باحسنها ......والمؤمن أبما ياتي ابخير احكيلة
الدنيا فلك ويدور وأسأل عنها ..........مثيل ظل خليتة بعد تقييلة
واتلد ابعجايب وانت ما تيقنها.......... ميلاد سلحفا باضت ابغير دليلة
لاتحسب نهار الغد ياساكنها.......... تغتر بالحياة اتسيرلك تغفيلة
اولا تكون جاهل الصلاة هاينها........... اولا ابقوتك تظلم انفوس ذليلة
والنفس كيف من يدك اتفك رسنها........... اتسبب مهالك والخفا تمشيلة
عليه دائماً صلاة واحسنها.......... نبي عربي هادى ضوا قنديلة
بلماء للصحابة معجزة بينها ..........بين البشر والظفر ينبع سيلة
اوشقة القمر راوي الحديث ضمنها......... والجذع في لقاء ربة سهر يبكيبة
في ليلة اسّرا بفروضها واسننها......... خمسة اوقات من الخمسين حظ اعطيلة
ياللة لاتحرم المؤمن منها........ نرجو شفاعته يوم الحساب او ويلة

ماتقول حاشت ليلة...... امعا اسيابها عانت أجداب طويلة.......الدايم الله


مادقول جت بشملها ........لمراحها اللي قبلي نواجع هلها
ولاتقول قام راعيها اوحل اعقلها.......... اومد الحليب الجيرته والعيلة
اولاتقول هدر من بعيد جملها.......... رعد في بحر ماسك أنواة ثقيلة
وصابت مع جنبة اوزم اولها .........وكيف العساكر جاه لاعب جيلة
انيابه فرامل قطر كي زقلها......... امنين راد يوقف ع القذيب صكيلة
عرفها علامة الشبق في حيلها........ اولخرى امشبها باذنابها توميلة
اولاتقول عمرها ضنت على منلهلها......... اعيون حلو ماهن فايضة اوسبيلة
وقت الخريف يبقن واجدات اسبلها ..........تجوشن على موكارها تمشيله
مشهور سيدها دار العفاء ينزلها........ يختار كل مايصلح اوجاير سيلة
اوجوف البعر والمنشرم تاكلها........... سوحتن اوما تهلب ظهر بوقيلة
اوبو مفصعة والمنطبش مجملها .........شطبان وارض حرة للنبات جليلة
في دير الحبش تنظر بعيد هللها .........وبين المحارم والطرون هميلة
وطات تنجذر تخبر طريق سهلها......... اوفوق الرويبط عندها تهليلة
وتخش في ظهر حلاب ومقابلها......... ايمين البرام انجيبلك تفصيلة
ومنه اتقبل كان هو هاملها ..........شو القزع واحبيش بر انميلة
انكان في البداري ربنا سيلها.......... اوكون نبات اوفية زهر نيلة
واعشاب شكلت سبحان من فصلها........... بقرط واوبهق وشويطره واقميلة
مرغاد لون حلوي في اجبود جبلها........ لمبات شكلوهن في افراح مثيلة
كيف الصوامع فوق من حيلها......... سنام مابناته من وطاه امحيلة
والحورن على غفلة العب جفلها......... كمى انحلها حاست ناوية تحويلة
خذالها صفيحة بالعصا طقلها ........بعد الخوف راضت هادية وخويلة
اورفيقها المن عابر سبيل بهلها........ والها اوسيدها بأحسن ادعا يدعيلة
ملى اوعاة في حينة اوله ناولها .....الشق اليمين خلا دوب فصيلة
كما امحلب ريحته انجيب مثلها ........معجون من يشفي انفوس عليلة
ولها سيد راكب في امتان عجلها ...........ايرود اوله دبلوم في تمويلة
ادجيب الظهيره وين يحتاجلها .........بحمول من الواح امنين طاب نخيلة
ونكان راد جالو و اوجلة توصلها........... من وادي المرا دربة ايمين اسهيلة
اوقت مارجع ع الجدي جا عادلها .........مركوب ع اليسار انكان ساري ليلة
لجواد كانوا يزعلوا بزعلها........ ويشاجروه من سبب الها تجفيلة
في حالة اتبكي والجدب كملها....... مرفوع العنا عنها ادور ضليلة
واللي اتضيع ماتعرف اللي قاتلها......... وانتاجها بلا سيمة كمل بليلة
الدايم الله هي وين بيض حجلها......... مكسوب ناس لنا من قديم عزيلة
عشرتم اتخيب ماهناك بدلها....... اصحاب نجع ملفى للضيوف جليلة
ايرقن عزامي كي انجيب عللها......... الناس تجّهل التاريخ ماتصغيلة
بسوا امعاملة حكم العدو عاملها.......... عرف جناح العاصيين اكحيلة
عيلات قيطنن مدات في ساحلها......... واغلاض الرفايد عايزا اوقليلة
وعين الغزالة خط في حاصلها........ مسيول طالية من نوع كل قبيلة
تحويلة نوو لكن الله فشلها.......... تغضب الكافر والهجوم اصحيلة
فرسّم خذى باوي بعد عازلها.......... هدوها علية اوفك من باريلة
صديق قاله ماتقول من قايلها.......... مثيلك انطال ابمشنقة واتيلة
كلم مراكب كلها شيلها........... امغرب رماهم في قضى العقيلة
برواحهم بنو تاريخ مستقبلها.......... خلفتهم اوما تقدر ادقول زطيلة
ايهانة اتمس الجار ماتحملها ..........واللهم شيخ ياخذ حق من يشكيلة
وامخاوآتنا كم قرن ماحولها......... الها جذر ثابت من اجدود آصيلة
ابواب المعيشة ربنا كافلها.......... حتى الضعيف له تاتي ابكل وسيلة
والبادية وضيف كبير مايخجلها....... حيوان كسبها ترفض جميع بديلة
وكل عصر فيه ارجال مانجهلها........ يستعمل أشياء مستوردات دخيلة

ماتقول حاشت ليلة ........امعا اسيابها عانت أجداب طويلة .........الدايم الله

  رد مع اقتباس
قديم 10-04-2010, 07:25 PM   #3
::مرحxمرح::
الصورة الرمزية ورفلى حر
 
ورفلى حر غير متواجد حالياً

الشاعر جمعة بو خبينة


ما تقول حاشت ليله......... علي نجع يطَّامن احذاه نزيله......الدايم الله




ما تقول جت مصلوبه......ولا قرَّبت ذاري ابعاد الجوبه
ولا تقول ردوها او هي منهوبه......ولا اتقول جت كم فارغه مذبوبه
ولا تقول زاحت ما الغزال جلوبه.............ولا اتقول راضت في نبات اشبوبه
ما تقول تاق هللها........ولا تقول عمره سيدها دللَّها
ولا تقول ردّ القوم يوم شكلها.........ولا تقول يوم الورد جاء فوَّلها
ولا تقول دلّ الذاهبين جملها..........ولا تقول كانت خالطا بَكْمَلها
واليوم كلّ حدّ نازل بها في جلها.........وضرب الكراهب والجرب كَمَّلَها


ما تقول ماله صايف...........وكانت تْحُوش امعا اللِّيل حجايف
علي نجع يطَّامن احذاه الخايف........بنَّاية البيت اللِّي كبير وهايف
اللِّي وينما يلفى عليه الضَّايف.........عليهم وع البل والربيع امرايف


ما تقول جت ملمومه.........جناح وينما ما ماحن اللِّيل نْجومه
اللِّي إن غيبت يبقن فزايز نومه.........وهي معزَّبه في وطن مو في الحومه
وفي عقابها يهلني غليظ الزومه............ويبقن ازباداته علي خرطومه
ولا يرهب الخلفات وان هْجومه............في اللون حمر داكن ربّ ع الميدومه
وله وروره وينما اتجي امحزومه...........ونميزر كما هلي شلت مضيومه
أولو مشترات افلوس دافع سومه.......اولو جايبا رعوة اوهو بهدومه
شملول زين مدبها اداب حكومه..........وهي تستحق الشكر في ملزومه
ان كان قال شومة نلقانها شومه..........ونكات قال عز العز هي سلومه
اونا العقل عندي راقات اعزومه.............خضا عالبكا هابا عليك علومه


ماتقول قال القايل..........الي وينما تلفا عليه دلايل
طعَّامة الجايع والسنين كلايل.........اجواد من اجواد امنسَّبين أصايل
ركَّابة الْكَوْت اللِّي إن حسّ الجايل..........اللِّي ينظروا وانا عناهم شايل
ما تقول حيه اليالي...............قدَّام نجع متشاوط ذرا للجالي
بْقَوْلَة ( تفضَّل ) ينهضوا طوَّالي...........اللِّي كيف ما تنفخ الجمر البالي
اللِّي لو إن كان وَخْذَتْ يقدعوا المتالي...........ابها الشي باليهم الله العالي
خطَّرها سريب البل اللِّي تمَّالي...........وهلها اللِّي ما عاد منهم والي
امفيت ما اصورهم قاعدات اقبالي


ما تقول موَّلناها...........ولا تقول كنَّا نعرفوا مرباها
ولا تقول غليت نين جنَّسناها.........م الطرمة اللِّي مو كل حد يقناها
وعاقب الدار إن كان جاء يالاها.............وما من اللِّي فيها وما قلناها
واليوم في الزرايب قاصرات اخطاها...........أمعا وطن موحش صاعبات دْرُوْبه
اللِّي غايبين الهم اسنين طويله...........امنين سوقها روسم اوثاب ثقيله
حليب كسر منها ساعة التبهيله..........وفي خفافه لو ما انزاح تْشيله
اللِّي بغو نابت يعجبك تشكيله.............وفي الكرب حاجة كرب ميش عطيله
وهي رايضه في العصر قبلي هلها...........وشاشن لها لنظار من تدليله
امنين كلّ حد يظهر علي تاصيله.........ويخبر الغابي والنجوم دليله
اللِّي هدرتا تحلف رعد في سيله........ما بينَّا تفرز إلاَّ العزيله
لا اطعمه لا بنَّه بْهَا تدعيله............علثر الحواصل جايَّات عديله
كان وقتَّا هابه عليك طرايف..........امعا كل خرمة عندها تهتيله
ويقدع العايب كان زافن خيله...........ثلاثين كيل ذراع وافي كيله
يْبَات في هناء ما تلحقه تنكيله..........وديما نْشَارف غير مالي حيله
علي امراحها حاشت ودارت زومه...........ووَّعَتْ اللِّي نايم بعد تعسيله
وإن كان روَّحت ما عد اهناك غليله............حتى إن كنت عَيَّل كل شي صاحيله
اللِّي إن كان هدَّر كلَّها ترعيله.............نشير من قماش أبيض نهار غسيله
اللِّي ايردها عند الها تسهيله...............ممشوط الوبر يرطاب في تمقيله
اوطا م الحنك عند الها تنزيله...........أونابا ايدل الذاهبين صكيله
سيدا ، اولا وان الطلاق اعطيله.............تاليد من تاليد خيرة جيله
امعاه لا تغرّ ولا تدور ضليله............م الشاعر بعد يلقى عرب تصغيله
والشوم تابعها وهي تمشيله............أبها ينطر ماهي عليه دخيله
سبايل أوما صدق القي تسبيله..........منيوم غيبة غياب لا تطريله
مدت او حاشت عالفريق الخايل...........ما اللِّي وصفهم نعجز علي تكميله
وإن جاهم الرامي يردعوا من ميله............ما هم وذيله من أجناس وذيله
ايجيب الطوارف والنعال دقيله.............وجار جارهم ما زلت نستدميله
علي امراحَّا حاشت اللِّيل التالي...........وعابر السبيل إن كان جاء واتيله
ما هم امن اللِّي هل نفوس بخيله............ما عندهم ع الصايبه تعديله
ولا ينهضوا مكروب بارد حيله............بادع الكون ابقدرتا الجليله
مشغال سرّ ننسى يوم ونولِّيله..............ولا عد ايقولوا جوا حماة اكحيله
وإلاَّ عقاب أوهام قطع انجيله............ولا تقول عمرا وقتها واتاها
وكنا نْحَاموها بْكلّ وسيله.............ولا وصفها تاجد اليوم مثيله
شيَّالة اثقال النجع يوم رحيله.............عليها ايصلِّب متعته وعويله
طويل ما يْحودد وصفها تبِّيله.........وحنا نحلموا في حلم صاعب نيله

ما تقول حاشت ليله......... علي نجع يطَّامن احذاه نزيله......الدايم الله

  رد مع اقتباس
قديم 10-04-2010, 07:32 PM   #4
::مرحxمرح::
الصورة الرمزية ورفلى حر
 
ورفلى حر غير متواجد حالياً

الشاعر ؛ ابراهيم بو جلاوى


ماتقول حاشت ليلة .. علي نجع يطامن احذاه نزيلة ..اخلي مراحها
ما تقول هلها كـــــانو .. ولاتقول في علو البساط ادانو
ولاتقول شي حطن نواجع بانو ... شيابنا وشيابهم سياد المـيله
ولاتقول شي جدي الغزال اقتالو ... في وطـن خالي في وطاه محيله
اليوم ينطـرو تمو بكلمة كانـو ... ورا الدهر يقلب كل عقد بجيله
خـذتم الدنيا كلهـم ودفانـو ... حزتهـم لحـايد واثقة وثقيله


لا تقول كانو هلها ... ولاتقول شي حاشت اعراض شملها
ولاتقول شي وقت الهواج جملها ... انزوم رعد في مزن جارف سيله
ولا تقـول شي عند العصير بهلها ... ميار بو حريك الزين خيرة جيله
ولا تقول داره في السلـوك نزلها ... وقـت الربيـع امناته الخـويله
ولا تقول شي شور العيون سكلها ... في اخشوش مايو م العطش تاتيله
قديمـه الدنيا عارفيـن عللـها ... حتى لو زهـت را الهـا تمييلـه


ما تقول شي كسبوها ... ولاتقول شي حاشت ولا رعوها
ولاتقول شي مدت ولا ساقوها ... شـور الظهر والدير في التقبيله
ولاتقول شي دار العفا انزلوها ... حومت الحلق والدير بتشوكيله
يتاوق هللها وين ما اطلقـوها ... ربيع حومت النويبات هي تمشيله

من وادي المرا والغاطسه جابوها ... مقـادير فيه امـربعه الهميله
متقنزع وبرها وين ما لقيوها ... هي والغزال رياض فيه اكحيله
ابعيني القـود امعقله شالوها ... هي والبقر سـوقها عمر تدليله
وغابو اللي كانو الا يحموها ... ركابت الكوته اللي شلوق تليله


ولاتقول شي يعــــــــرفه ... ولاتقول كاسبها ولا يوصفه
ولاتقول خشبها دروق الدفه ... ابراهيم بو الوصلي قليل مثيله

ايجي مجـريد القافلة حـادفه ... وحمولها صعيدي سف في التكييله
والبل امـغير انشد اللي يعرفه ... كانت اتشيل النقل هي الوسيله
غابو اللي كانو بهـم توصفه ... روادة الدير اللي طفش زغليله
اليوم وقتا عاكس وصارت لفه ... سايبينها تـمت ادور ظـليله

  رد مع اقتباس
قديم 10-04-2010, 11:17 PM   #5
::-:: مدير الأقسام الأدبية ::-::
 
هاشم غير متواجد حالياً

جهد مشكور و لنا عودة بإذن الله للمساهمة في إثراء هذه المساحة الملحمية

  رد مع اقتباس
قديم 10-04-2010, 11:51 PM   #6
::مرحxمرح::
الصورة الرمزية ورفلى حر
 
ورفلى حر غير متواجد حالياً

مشكور أخى هاشم على تلبيت الدعوه

ونحن فى أنتضار وشوق للعودة بما تحمله لنا

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:35 AM.

أقسام المنتدى

منتديات عامه @ الحوار العام @ منتديات دينية @ التعارف والتهاني والترحيب بالاعضاء الجدد @ منتديات الصور @ صور - صور 2014 @ منتديات برامج @ برامج مجانية - Free Programs @ منتديات ترفيهية @ نكت - فرفشة - مسابقات @ اخبار الالعاب - PlayStation - Xbox @ الاداره @ الاقتراحات والشكاوي @ سلة المحذوفات @ اخبار الفنانين @ قسم مشرفي الاقسام @ منتدى ادم @ الطبخ - وصفات طبخ - طرق الطبخ @ منتديات بناتية @ بنات x بنات @ اغاني راب @ ازياء - فساتين - ازياء بنات - موضة @ اغاني ليبية @ اغاني x اغاني @ نغمات x نغمات @ منتديات ادبية @ الابداع الشخصي @ الخواطر وهمس القوافي @ منتديات حواء @ تربية الاطفال - حواء والطفل @ الصحه والعلاج والوصفات الطبية @ تطوير المواقع @ مواضيع ساخنة - مواضيع واقعية @ منتديات كورة - منتديات رياضة @ رياضة عالمية @ قصص - روايات @ الادب الشعبي @ سيارات - رياضة بحرية @ اغاني اجنبية x اغاني اجنبية @ منتديات تعليمية @ اخر اخبار التعليم في ليبيا @ سيـرة رسول الله صلى الله عليه وسلم @ اخر اخبار ومستجدات شبكة مرح ليبيا @ اخر اخبار الشبكة @ منتديات افلام - منتديات مسلسلات @ تحميل افلام عربية - تحميل مسلسلات عربية @ تحميل افلام اجنبية - تحميل مسلسلات اجنبية @ اغاني مصرية x اغاني مصرية @ اغاني سعودية x اغاني سعودية @ لغات اجنبية x تعلم اللغة الاجنبية @ كرة القدم - منتديات كورة @ جامعة طرابلس x جامعة طرابلس @ ديكور - اثاث @ ستلايت - رسيفرات - ترددات @ منتديات الخدمات والتوظيف والعرض والطلب والدعاية والاعلان @ بيع - شراء - عرض خدمه - اجار @ الفضفضة النسائيه @ الادب العربي القديم @ كلمات اغاني @ لغات البرمجه @ تحميل افلام انمي - افلام كرتون - صور انمي @ كرسي الإعتراف @ قصص قصيرة @ حلويات x حلويات @ المقبلات @ اناشيد - اناشيد اسلامية @ اشغال يدوية @ منتديات زراعية وحيوانية @ عالم الحيوان @ الهكر والقرصنة @ بحوث - تحميل بحوث @ مدونتي @ الفضفضة الرجالية @ الفوتوشوب ومستلزماته @ مسجات 2014 - مسجات جديدة @ منتديات تقنية @ مقاطع فيديو - مقاطع يوتيوب - يوتيوب - youtube @ الاتصالات والهواتف المحمولة @ العاب فلاشية - تحميل العاب فلاش @ مقاطع بلوتوث - مقاطع بلوتوث للجوال @ رياضة كمال الاجسام @ منتدى الفتاوي الشرعية @ اغاني امازيغية @ منتديات ليبيا @ سويتش ماكس @ منتديات كورة ليبية - الدوري الليبي @ قسم طلبات الاشراف @ اناشيد طيور الجنة - تحميل اناشيد طيور الجنة @ منال العالم - مطبخ منال العالم @ فتافيت x فتافيت @ قصص الانبياء - قصص الصحابة @ قسم المسابقات الأدبية @ السياحة x السياحة @ مراسلي مجلة مرح ليبيا @ تصاميم وابداعات الاعضاء @ انصار الصحابة وامهات المؤمنين @ entertainment @ المشاكل النفسية والاستشارات الاسرية والنفسية @ غناوى علم وشتاوات @ المدارس الثانوية في ليبيا @ مكياج - عطور - اكسسوارات - ميك اب @ مسلسلات تركية - تحميل مسلسلات تركية @ وادي الذئاب الجزء الخامس - تحميل مسلسل وادي الذئاب الجزء الخامس @ مسلسل سيلا Sila @ مسلسل خاطف القلوب - Serial kidnapper hearts @ مسلسل ثمن الشهرة الجزء الثاني @ صور سيارات - صور سيارات 2014 @ منتديات سبها @ منتديات طرابلس @ منتديات بنغازي @ منتديات الزاوية @ منتديات سرت @ منتديات صرمان @ اخبار ليبيا @ صور ثورة 17 فبراير @ يوتيوب ثورة 17 فبراير @ نقاشات ثورة 17 فبراير @ اغاني ثورة 17 فبراير @ شهداء 17 فبراير @ المؤتمر الوطني العام @ منتديات درنة @ منتديات جبل نفوسة @ منتديات البيضاء @ طلبات الاغاني الليبية @ مكتبة اغاني الفنانين @ منتديات الخمس @ تصميم تواقيع منتديات - اهداءات التواقيع - بنرات تواقيع @ صحف عربية وعالمية @ جامعة الزاوية @ كلية الطب الزاوية @ ناروتو شيبودن @ نكت ليبية @ ون بيس @ facebook - yahoo - skype @ صور فنانين - صور فنانات @ منتديات طبرق @ اخبار عالمية - اخبار العالم @ منتديات اقتصادية - الاخبار الاقتصادية - اسعار العملات @ منتديات مسلاته @ افلام هندية 2014 @ جامعة بنغازي @ مصلحة الاحوال المدنية ليبيا @ الـمـسـابـقـات @ منتديات التصوير الفوتوغرافي @




Powered by vBulletin® Version 1.1.1
Copyright ©2000 - 2014, Jelsoft Enterprises Ltd

استضافة وتطوير » العلامة للحاسبات والتقنية

.
new notificatio by 9adq_ala7sas

جميع المواضيع و التعليقات المكتوبة في موقع مرح ليبيا تمثل وجهة نظر كاتبها فقط
ابرئ نفسي أنا مؤسس الموقع ، أمام الله و أمام الجميع ، على ما يحصل من تعارف بين الأعضاء أو الزوار على مايخالف ديننا الحنيف