|
||||||
| ليبيا ليبيا، ليبيا اليوم، ليبيا الغد،قضايا ليبية، قضايا اجتماعية، قضايا سياسية، قضايا اقتصادية، اخر اخبار ليبيا، اخبار ليبية، اخبار ليبيا، الحياة الاجتماعية في ليبيا، منتدى ليبيا |
 |
|
|
أدوات الموضوع | انواع عرض الموضوع |
08-07-2010, 06:04 PM
|
#1 |
|
::.:: مراقبة عامة و رئيسة تحرير مجلة مرح ليبيا ::.::
 
|
السلام عليكم ورحمة الله وبركاته .. بسم الله الرحمن الرحيم .. والصلاة والسلام ع أشرف الأنبياء والمرسلين سيدنا محمد وع آله وصحبه آجمعين .. أخواتي إخوتي أبناء ليبيا اليوم والغد .. سيزداد الجهـــل ببلدي لا محال إن إستمر و إن نُفذ القرار تنفيذ فعلي .. وماهو القرار ؟؟!! .. التعليم التشــــاركي .. !!! أمين اللجنة الشعبيه العامة للتعليم يمنح تراخيص العديد من المدارس العامه الحكوميه للنظام التشاركي !! .. مشيراً إلى كلمة لا لعقلية الإعتماد ع التعليم العـــام ؟! .. ونعم للتشاركي فهو سيأخذنا نحو الأفضل !! .. 130 مدرسة ستصبح تحت النظام التشاركي .. وقد أكد لي مصدر موثوق بأنه تم الإعتماد وقد تم وضع القيمة الماليه أيضاً التى سيقوم بدفعها كل طالب !! .. بعام 2012 سيادة أمين التعليم يريد أن يصبح عدد المدارس تحت النظام التشاركي ما يقارب الـ 1200 مدرسه !!.. وبعد غضون 5 سنوات سيصبح التعليم العام في خبر كــــان ويعم النظام التشاركي الذي وصفه بأنه نظام ناجح جداً .. !!! ~ أخوتي الأفاضل ماهذا ؟؟ لماذا التعليم مضطرب ع الدوام ببلدي !! ~ فكما قد عَلمت بأن القيمة المفروضه حوالي الـ 100 دينار ع كل طالب ؟؟! .. وماذا عن أب الأسرة الذى لا يصل مرتبه الـ 300 دينار شهري وهو لديه 5 أبناء فما فوق ؟؟!! .. ~ من يكونوا هم لكِ تتخذ ضدنا هذه القرارات دون الرجوع إلينا ؟؟!! أين المؤتمرات الشعبيه ؟؟!! .. نحنُ بلد ديمقراطي ولله الحمد .. ~ هل سيزداد راتب المواطن إلى ما يقارب الـ 1000 دينار ع الأقل ؟؟!! .. ~ لمــا تمنع الإزدواجيه إن كان هذا القرار سليم بنظرهم ؟؟ نعم للإزدواجية بالعمل إذاً ؟؟!!.. ~ أب أسرة بعد إن سمع هذا الخبر وهو لديه 6 أبناء بالمدارس .. أول قرار صدر منه البنــــــات يجلسن بالبيت والأولاد المجتهد فقط هو من يستمر ؟؟!! .. مـــــــاذا بـــعد إلى أين سترسي بينا السفينة .. سيأتي علينا يوم ويتم تصنيفنا بدول البلد العاشر لا الثالث أو الرابع .. حسبنا الله ونعمه الوكيل .. تاركه الموضوع للنقاش الجاد ولأقلامكم الهدّافه .. ومالتوفيق الامن عند الله .. تحيآتي ..# jvhodw hgjugdl hgjahv;d td gdfdh - hg[ig sd.]h] pjlhW - hg,]hu hgprdrd g;glm Hfkhx gdfdh hgy] التعديل الأخير تم بواسطة X_C7 ; 08-08-2010 الساعة 11:44 AM. |
|
|
08-07-2010, 07:17 PM
|
#2 |
|
:: مشرفة الادب العربي القديم + مجتهدة ::
|
الدوة هادى يجروا عليها من نص العام اللى فات و المدرسة اللى نقرى فيها وحدة من المدارس اللى خصصوها . الكارتة الأكبر تعرفى وين . يقعدوا بس تلاتة من كادر التدريس بالكتير فى كل تخصص والباقى يديروا لروحهم حل وما يعبوش على رواتب من الدولة . يعنى زى ما يقولوا موت وخراب ديار . وهادم اللى طلعوا اكيد تلاته ارباعهم عندهم صغار باهى قبل وعندهم راتب صح مش هاداكا الراتب لكن كان فيه وتوا بعد يطلعوا منين بيأمنوا حق التعليم بس ، خلينا من الحاجات التانية . معناها تفسير بسيط جدا للقرار هادا " دعوة للسرقة العامة " بشكل غير مباشر وباسم القانون . هادا اللى حاربته فى رزقه منين بيوكل ويلبس ويشرب صغاره معناها م الاخير برا اخنب وعيش من حرام واللا غص وموت بالحلال. وبعدين بلادنا كان فيها ديمقراطية راهو ما تلقى حد يشكى من قلة . هناك واحد يتشكى من قرار صادر منه . لكن هادم العويلة يلموا روحهم فى اجتماع والقرارات مصدق عليها حتى قبل يديروا المؤتمرات ويسايروا فى الشعب ويخلوه يتكلم على راحته اما وقت الفعل يديروا هما ما يبوا . وبعدين لازم يمنعوا الازدواجية يا مغتربة معقولة الشعب الليبى يخدم على راسه ويسكتوا ما يصيرش منها الدوة هادى لازم ما يوقفوه عند حده شن ولى هوا مش يحسن دخله و معيشته بعدين يبدا فى مستواهم وهادا مش كويس على صحتهم يرتفعلهم الضغط بعدين ما هم مسئولين يا مغتربة . يارب فرج على عبادك انت ارحم الراحمين |
|
|
|
08-07-2010, 09:04 PM
|
#3 |
|
مرح رائع
|
دائما هكي احنا الليبين ومن المداس اللي حتولي تحت النظام التشاركي هي مدرستي وهي مدرسة رائعة لكن لو خش فيها تشاركي انسى خلاص الله غالب المفروض يزيدوا في المعاشات كان بيزيدو من المدارس التشاركي وانا خاطري نعرف كيف يفكرو ا يبونا نمشوا للتالي مش للقدام وزي ماقلت احنا مش حنولو الترتيب العاشر لا حنطلعوا خارج القائمة مرة وحدة الناس يمشوا للقدام احنا نمشوا للتالي لا حوة ولا قوة الا بالله وخلاص تقبل مروري |
|
|
|
08-07-2010, 09:49 PM
|
#4 |
|
:.: شخص محترم :.:
|
السلام عليكم ورحمة الله وبركاته ........................... والله وضع مؤسف جدا...... يعني نحنا وين وهما وين.................والمقصود بهم المسؤولين....................... يعني طالما يقدرو يواكبو هالقرارات هم وأقرانهم.....مش مشكلة ، فلتسحق الطبقة المسكينة من الشعب بين سندان القرار ومطرقة المسؤول........طيب هم واكلين جيوب الناس ومعبيين جيوبهم... طبعا مش راح يفكرو في مستوي الدراسة ولا التعليم الفعلي لأنه أكيد مش هامهم.....لــــيــــش؟ أولا لأنه موضوع بيزنس....يعني توة معقولة بيديرو حاجة لله..!!!!!!! وثانيا لأن أولادهم يدرسو في الخارج علي حساب الطبقة المضطهدة من أبناء الشعب........ وثااااااااااااااااااااااااااالثا وهو الأهم.......( يافرعون شنو فرعنك...قاله مالقيت من يردني )....... خلينا إنقولو مثل عرضي وخياااااااالي جدا............ أنا رب أسرة...دخلي 500 دينار ليبي في الشهر....عندي 4 أبناء....مع العلم أنه يوجد عائلات ليبية تتكون من 12 و 13 الفرد.....ماتستغربوش...والله فيه....ونحنا وحدة منهم....!!! المهم.... 3 من الأبناء يدرسو....يعني 300 من راتبي طارو.....مازال 200....كويس والله ، ممتاز جدا.... خلينا إنقولو 100 مصاريف الأكل والشرب في شهر ( ركزو معاي...مازال إنقول مثال عرضي وخيالي)....طيب مازال 100 من المرتب...هاذي طبعا مصاريف المركوب واللبس والدفاتر والأقلام...لأفراد العائلة كلهم طبعا..... يعني توة حتي لو تخيلنا أن إجمالي المرتب 500 دينار..في أسرة لايتجاوز عددها 6 أفراد...ومع توسيع خيالنا جدا...لم نحقق الإكتفاء المعيشي لكل فرد في حصته العادلة في التكوين الأسري...... فما حال الليبي حقا....!!!!! ولما إنقول الليبي...اللي أني وإنت وإنتي نعرفوه....المسكين اللي مرتبه مرات حتي 250 و 300 مايوصل.. اللي بجديات عنده 4 و5 و6 أرواح يعاني فيهم.....يا جماعة الخير راهو حاليا مع هذا القرار المشكلة لم ولن تصبح مشكلة تعليم فقط...راح تكون مشكلة إجتماعية...وصدقوني لما تتراكم المشاكل الإجتماعية راح ينتج عنها مشاكل أخلاقية......... خلونا في الحق توة ... راني والله مغبون ومتضايق من لما سمعت بهذه الطامة الكبري.... الناس توة وعلي حالهم هذا فيه اللي يشتغل بالدرقة في عمل شريف خوفا من المسائلة وكأنه يسرق أو يدير في حاجة عيب...لكن قالوله هذه إزدواجية......يعني لما يحب يوفر شيء ضروري لبيته...ويبي يعيش بكرامه...يقولو لا...........!!!! يا إخواني ...وسامحوني علي هالكلمة....راهو التريس بدت تبيع في قدرها وكرامتها باش يلحقو علي حاجة تستر بيها جلد صغارهم.....والله والله والله بنات زي الورد...في ربيع شبابهنّ، يتاجرون بلحمهم في سبيل الحاجة... أي نعم أن شماعة الظروف الآن إنكسرت من تعليق الأعذار عليها.... لكن والله وأستغفر الله مرات تعذرهم.....عليه الصلاة والسلام قال ( لا تأكل الحرّة من ثدييها وإن ماتت جوعا) بما مفاده الحديث يعني............ توة إنتم تقولو شنو علاقة كلامي بموضوع النقاش....؟ لأنه هذا الحال اللي بنوصلوله لو تم التنفيذ الرسمي لهذا القرار......... يعني توة بالله عليكم ( رقـّــاد الــرّيـــح ) شنو مصيرهم....؟ علي هالكلام هذا معناها توقعو حتي الجامعات يشملهم القرار.......والله ماعاد تستغربو حاجة....!!!! وياناس رانا ديما نجمعو وإنقولو المسؤولين.......لكن راهو فيهم اللي ولد أصل ويخاف ربي..... فأني إنقول المسؤولين...لكن إلا من رحم ربّ العالمين.............. هؤولاء الناس....يضعون الدولة ستار لإخفاء عيوبهم.....يضعون السلطة سلاح في غير محلّه...... يجعلون من أكتاف المواطن الكادح سلّم ، للإرتقاء للكسب الغير مشروع......... هؤولاء الناس....خانو العهد...وأخلفو الوعد...وهانو القسم....وجحدو نعمة الثورة ونعمة ليبيا ونعمة الشعب عليهم بالتّنكر لمهاهم....ولقد خالفو ماعاهدو الله عليه......................... ألا أنه ( ويل لكل همزة لمزة) ألا أنه (ويل لعبد الدرهم والدينار )........... ألا إنه لآت .. ألا إنه ليوم حساب....والله لا أختم إلا بقول.....حــســبــنــا الله ونــعــم الــوكــيـــل. أخـــيـّـــتــــي فــــي الله.................... يعجز اللسان عن وصف مقدار حرصك وجدّك في الإجتهاد للإرتقاء بالنقاش بما فيه خير لهذا البلد....تعودنا بهذا من شخصك الكريم...ومن قلمك الجاد...ومن ضميرك الحريص علي أبناء بلدك.....أسأل الله أن يكون كل هذا في ميزان حسناتك.....وأرجو أن تتقبلّي فائق التقدير والإحترام والشكر والعرفان....فهذا والله لا شيء أمام غيرتك علي وطنك وأبنائه......... و السلام عليكم ورحمة الله وبركاته .................. |
|
|
|
08-07-2010, 10:09 PM
|
#5 |
|
:: مرح متألق::
|
اولا نبي نقول للاخ الكريم الهدار انك مشكور عبرت عللي فخاطري بوركت بس احنا هكي بنقعدوا نتناقشوا في الاسباب وشن بيصير لما بيتنفد القرار !! لأمتى بنقعدوا هكي .؟؟. ديما راضيين بالامر الواقع ليش مانتخدوش موقف جماعي اي كان نوعه .. على الاقل لو ماقدرناش نلغوا القرار .. نقدروا نعرفوهم ان عندنا صوت ونبو نسمعوه .. بالك نوصلوا الحل اما هكي والعفو منكم .. عندهم الحق يديروا مايبوا لان زي ماقال الهدار يافرعون شنو فرعنك...قاله مالقيت من يردني ... ايه هذا الصح ان شاءالله نتغيروا ونولوا فعل مش كلام بس اختي المغتربه بوركت عالطرح وان شاءالله توقف هالمهازل <<تحياتي>> |
|
|
|
08-07-2010, 10:49 PM
|
#6 |
|
مرح رهيب
|
ألــــــغـــــيــــــت الـــــمــــشــــاركــــــــة أرجو مراجـــــــــــــــــــــعة قــــــــــــوانـــــــــــيـــــــــــــن الــــــــقـــــــــــــســـــــــــــم التعديل الأخير تم بواسطة الهدّار ; 08-08-2010 الساعة 07:26 PM. |
|
|
|
08-08-2010, 05:10 PM
|
#7 |
|
مرح نشيط
|
المشكلة لمن بنحكوا ومن يسمع ، على رايكم هما ماخدوا راينا في اولها بيخدوه اليوم ، لكن مش حنكون سلبية ونضم صوتي للرافضين ، ودليل فشل هالشي نبي المسؤول اللي عنده ضمير يمشي للمدارس الخاصة ويشوف دمارالتعليم ودمار الصحة ودمار الاخلاق ودمار الوعي ، المدرس فيهم شهادته شي ويقري في شي اخر ويربح صاحب الدروس الخصوصية ، في النهاية يصبح كيف دمار الصحة والرابح تونس انتعاش من جيب المواطن الليبي ،على ابسط الامور مافيش حل الا السفر ارخص واضمن من عياداتنا الخاصة . والله المعين |
|
|
|
08-08-2010, 08:08 PM
|
#8 |
|
موقوف
|
لا تعـًَُليقِ بعتبـٌُار الشعًٌُـبَ رااضـ،ي بالوضعًٌُ شـكرا ليكـ الهدَارٍِ |
|
|
|
08-09-2010, 02:16 AM
|
#9 |
|
مرح رهيب
|
انا من راى الخاص بدل ماتعلقوا ارائكم على القطط السمان الذين اصبحوا شماعه لكل صغيره وكبيره صحيح هم يستغلون اى فرصه للاثراء والاستفاده الشخصيه بقرارت الصادره من الاخ العقيد لماذا لاترفع رساله باسم المنتدى موجه للاخ القائد وتوضيح وجهه نظركم بدل من ذكر عيوب لاتعد ولاتحصى وكلام مبعثر هنا وهناك والله اعلم من وراء القصد |
|
|
|
08-09-2010, 12:39 PM
|
#10 |
|
:: مرح كله حيويه::
|
واللهى حرام عليهم شنى يبو من الشعب المسكين ليش حتى العلم بيولى بى الفلوس ليش بس هل مرتب المواطن يمكنه من دفع مبلغ لى التعليم ولى عنده 4 صغار شنى أيدير .عيب عليهم واللهى.توه أعطو لى أفرقيا 90 مليار قالو نبو أتحاد أفريقى .90 مليار مبلغ فلكى.وتوه جو دار التعليم بى الفلوس ماهو ألى أعطوه لى أفريقيا يبو يردوه من الشعب. واحد بيقول كلمه واحده الله يرحم بلادى نعتبره ماتت مشكوره على طرحك الرائع# |
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
