المساعد الشخصي الرقمي

مشاهدة النسخة كاملة : احسن مزينات في ليبيا (طرابلس)


شمس الغروب
06-02-2009, 04:43 PM
السلام عليكم ورحمة الله وباركته
صباح الخير _ مساء الخير
يا صبايا ارجو المساعة طرابلس اصبحت امعبية مزينات ومراكز تجميل وما عاش عارفة اما مزين باهي
انا عرسي اقريب ومحتارة انا الحفلة احجزت عند نادية الجزائرية و المحضر مازال محجزتش والله ماني عارفة نادية في ناس مايشكروش فيها ودموهالي وناس ايقولو لايعلى علي نادية ونتم شن رايكم شن تنصحوني انكمل حتى المحضر عندها والا انغير مزين تاني وشن هو المزين كان غيرت *3
ارجو التواصل

ملكة الاحساس
06-02-2009, 05:23 PM
لا خليك مع ناديه الجزائيريه بجد أنا ألي نعرفهم كلهم حجز عندها وطلعو مشاء الله
بالنسبه ليا أنا مقتنعه بيها هيا وبس وفي النهايه كل واحد شغله وذوقه
وربي يكمل فرحتك موفقه حبيبتي
............. دمتي بخير .................

ميسو
06-02-2009, 05:25 PM
والله على حسب ما سمعت ان ادا تبي تحجزى عند نادية لازم تأجرى الفيلو من المحل اللى بجنبها واللى بجنبها فيلواتا اخيييييييييييييييييييييييييييه اسألى قبل ما تحجزى وانشالله تم على خير وتعيشو فى تبات ونبات وتجيبوا تشاركية مفرخ ز هاهاها نبصر عليك

ميسو
06-02-2009, 05:27 PM
وراهو مش ديمة نادية اتطلع العرايس حلوات مرات ادير مكب على الازرق القاتم لين يبانو غولات يهربوووو منعرفش كبف العريس بيشوفلها وهى زى الغولة ة ة ة تتتتتتتتتتتتتتتتشششششششاوووو

ملكة الاحساس
06-02-2009, 05:31 PM
والله على حسب ما سمعت ان ادا تبي تحجزى عند نادية لازم تأجرى الفيلو من المحل اللى بجنبها واللى بجنبها فيلواتا أخيه >>>
صح زي ماقالت ميسوووو لازم تأجري الفيلو من المحل ألي بجنبه أنتي شوفي وأسئلي
وربي يوفقك يالغاليه والله حسيتك أختي بمعني الكلمه

شمس الغروب
06-02-2009, 08:47 PM
بارك الله فيكم وشكرا علي النصيحة
شجعتوني اصلا انا حاجزة الحفلة عندها انفكر حتى المحضر انا ماشيتلها بيواسط
مش ضروري ناجر الفيلو من الحل يلي بحداها
شكرا مرة تانية

أسيرة الروح
06-10-2009, 02:02 AM
موفقة ياحبيبه بالهناء انشاءالله بس نبي انقولك انا شابحه مكياجها مش كلهم حلوات اطلع فيهم ع الحظ وبعدين غيري في الحفلة مزينة والمحضر مزينه اخرة وشوفوي برا طرابلس فيه مزينات ماشاءالله خارج طرابلس لانا صدقيني فيه ناس في طرابلس عرسوا اولادهم الاثنين وحدة من زليطن وحدة من طرابلس لكن سبحان الله الخالق العروسه اللي في زليطن طلعت احلي بهلبه من عروس طرابلس وسالنا عن المزينة خبرونا انها جتها من مصراته عن طريق احماواتها واللهي فرق اكبير وربي يهنيك ويرزقك بدريه صالحه يارب وادعيلنا حبيبتي كل البنات والشباب يلا يلحقوك

شمس الغروب
06-10-2009, 01:47 PM
شكرا اختي اسيرة الروح بس وين بنلقاهم خارج طرابلس انا طرابلس وان شاء الله
باهي شن رايكم في فاطمة اشعيب حتى هي يشكرو فيها
وان شاء الله عقبال كل وليد وابنية
بارك الله فيكم*3

غروري شيء ضروري
06-10-2009, 02:48 PM
اسمعي فيه مزين صح في اربعه شوارع متع بالحاج اسمه ( امل ) تعرفي هدا مزين مشاء الله عليها ال ي تخدم فيه كويسه وايدها مشاء الله عليها بس انتي قولي تبيالي تسخدم فيه وحده بييضه ايدها مشاء الله عليها

ولو تبي النعته الصح قوليلي وتو ننعتك مزبوط

أميرة الورد
06-10-2009, 03:42 PM
ياريت كنت اعرف افيدك اختي..

الله يبارك لك في فرحك و زواجك
اختي الكريمة انصحك تعملي بروفه عند الكوافيرة او المزينة قبل الفرح بمده علشان تتطمني ان شغلها يناسبك
وتختاري شكل الماكياج والتسريحة الي تبغيها وتتفقي معاها قبلها علشان ما تتفاجئي يوم الفرح انها عملت لك حاجة ما تناسبك

Roro Lee
06-10-2009, 03:56 PM
قصدى مافيش خير من نادية الجزائرية وفى وحدة تانية اسمها فاطمة شعيب
وهدى وجهتى نظرى *6

شمس الغروب
06-10-2009, 06:44 PM
شكرا طايشة بس اول مرة نسمع بيه مزين امل اكويس اشبحتي عنده اعرايس
وين اجي بزبط انا الحق شوفت اعرايس لفاطمة اشعيب حلوات وطبعا نادية والله اعلم
وشكرا مرّة تانية

لؤلؤه
06-11-2009, 08:57 AM
[السلام عليكم
يا حبيبياتي بالنسبة للمزيناااااات الترتيب كالتالي:
* اشبيليا
* سهى الحسناء
*نجوى التليسي
*باربي[/

شمس الغروب
06-11-2009, 09:55 AM
شكرا اختي لؤلؤة

غروري شيء ضروري
06-11-2009, 03:52 PM
تعرفيها صالة النعيم للملابس في طريق عراده طريق عراده بري قدمي تلقي صيثدليه والله نسيت اسمنها لاكن تلقيها بعد صالة النعيم لافتتها واضحه بعد هدي الصيدليه تلقي زنقه ترابيه هوا في اول الزنقه وقوليلهم اني من طرف طايشه وتو تقولك وصلتي لاكن انتي كلمي الي تخدم فيه البيضاء مكياجها صح كيف تمكيج وحتى الشعر تجبد هولك كويس وانتي قوليلي بازبط اما يوم المحضر وتو نوصيها

سحر البنات
06-26-2009, 07:58 PM
نادية مكياجها حلو لكن نفس التسريحات انا بالنسبة ليا عندي مزين نبيلة اسمه مزين النخيل في الظهره مقابل الكنيسة مكياجها روووووعة وانا حجزت عندها وانشالله ربي يتمم عليك بالخير

سحرٍ العيوٍن
06-26-2009, 10:14 PM
شموووووووووووووووسة الف الف مبروووك وانشاء الله وربي يتمم على خير انت وسحر البنات

شمس الغروب
06-28-2009, 08:58 PM
تسلمي سحورة والعقباليك ان شاء الله

كـريـسـتـآآل
07-01-2009, 01:30 AM
خليك مع نادية اني شايفتلها اكثر من عروسة وكلهم ماشاالله عليهم طلعتهم حاجة صح وانشالله ربي يوفقك في حياتك الزوجية ويتمم عليك بالخير والصحة وحيااااااااااااااااااااااااااااااااااااااااااااااا ااااااة سعيدة*18

كـريـسـتـآآل
07-01-2009, 01:31 AM
وادعيلنااااااااااااااااااااااااااااااااااااااااااا اااااااااااااااااا*3 *17 :d

شمس الغروب
07-01-2009, 11:46 AM
شكرا يا الهنوف والعقباليك ان شاء الله

ملكة الاحساس
07-01-2009, 03:47 PM
وين وصلتي شمس الغروب شن صار اما وحده طلعت احسن

وان شاء الله جهزتي حالك ومشيتي شوفتي واسلتئ

طمنينا عليك

دمتي بخير

شمس الغروب
07-02-2009, 09:23 AM
والله قعدة حايرة بين نادية وفاطمة اشعيب
مزال عندي فرصة العرس مزال.......
تسلمي ملكة الاحساس

المحتاره
07-03-2009, 04:33 PM
هاااااااي بنات طرابليس لو سمحتوا ساعدوني في اسرع واقت نبي مزين كويس لي عرسي في الحفله معنديش وقت وقتي ضيق هلبه هلبه ارجوووووووووووووووووووووووووووووووووووووووووووووو المساعده منكم سلام

شمايل
07-08-2009, 06:07 PM
واللة مزين فاطمة شعيب ايهبل توا هدا التوب لانادية ولا سها

الاميرة الشرقية
07-09-2009, 01:37 PM
ظالسلام عليكم
حبيبتي انشاء الله يتمم زواجك علي خير ويرزقك بالذرية الصالحة يارب العالمين
اسبوع اللي فات عرس اختي يوم اربعاء الماضي
وبالصراحة الكل يسال اما مزين بجد طلعت زي الملاك يعني نور وخفنا عليها من العين ماشاء الله
وعند فاطمة شعيب يعني بجد فنانة وحتي اللي معاها العرايس ماشاء الله لاكن اختي اللي ميزها انها مغيرتش شعرها وهو اسود ودارتلها خصلات بالصبغة فاتحة حمراء ويادوب مبان اللون يعني كانه طبيعي والله افضل من الميش طبعا فكرتي
الحلو ان يبقي شعرك نفس اللون ومادريش ميش ديري خصلات افتح من شعرك
لو تقوليلي شن اللون شعرك تو نساعدك في اختيار اللون
الميش ما تفكريش فيه نهائي لانه مش حلو بكل وبالذات الكل توا يحب الطبيعي افضل
لاكن امتي عرسك لان فاطمة شعيب ماتاخدش اكثر من خمسة واللي فوق خمسة تبي تحجز سعر يزيد لان الحق يستاهل
وكان تبي تشوفي الصور عرايسها في مصورة تو نعطيك رقمها توريلك عرايس فاطمة شعيب واختي قاعدة ماخدتش تصاويرها يعني تقدري تلحقي تشوفيها كيف طلعت علي رغم في بيانها مكيجت وطلعت مش زي عرسها نهائي
ونرجعلك لو تبي تشوفي صور
باي

شمس الغروب
07-09-2009, 03:48 PM
شكرا علي تواصلك يا الاميرة الشرقية مبروك علي اختك ان شاء الله بالهناء والسعادة والدرية الصالحة والعقباليك كان مش مخطوبة والا مش متزوجة
الحق العرس مازال مانعرفش كان توي في الصيف هذا بعتالي صارت ظروف تاجل العرس وانا شفت لفاطمة عرايس ماعندي مانقول اهبلو يعني حلوات حلواتلكن قعدة حايرة بين نادية وفاطمة بالنسبة للحفلة خلاص دافعة العربون عند نادية لكن مزال المحضر في يلي اقول نفس المزين خير تعرف كيف اطلعتي اليوم يلي قبله وتغير وفي اقول العكس اتغيري المزين خير والله اعلم قعدة حايرة مازال عندي وقت انفكر وان شاء الله يلي فيه الخيرة ربي اجيبة

الاميرة الشرقية
07-10-2009, 01:18 AM
بارك الله فيك
بالنسبة ليا متزوجة وعندي ولد زي البدر ماشاء الله تو انحط صورته
وبالنسبة للمزين من رايي تغيري الافضل لان نادية انحس بعرايسها قاعدة اطلع فيهم زي قبل مش علي موضة 2009
لان هذا فنها وايدها علي ما تعودت
لاكن( فاف )اللي هيا فاطمة شعيب طبعا شغلها حديث في المكياج وتسريحات مش معقدات يعني تتغيري ومش باين ان مكياج يخوف يعني مكياجها قوي ومش معقد
ونادية قوي ومعقد
و تسريحات فاف مش معقدة ومنفوخة هلبة وناديا تسريحاتها متكررات هلبة يعني هي محترفة لاكن مش مبدعة مش مطورة الحق من شغلها وهذا اللي حيخلي ناديا حتطيح سمعتها مع الوقت وثقي في رايي لاني اني من طبعي تدقيق ونركز هلبة ونحب نسال ولقيت هلبة عندهم نفس رايي اي عروسة نلقاها تغيرت هلبة ونفس الوقت كانها طبيعية نسالها تقوللي فاف
باي

براءة الطفولة
07-11-2009, 10:34 AM
مبروك

وننصحك بناديه الجزائريه

شمس الغروب
07-11-2009, 01:16 PM
ربي حفضلك وليدك وخليه وان شاء الله تشوفيه شاب
وشكرا علي نصيحتك وتواصلك معي تبي الحق انا مقتنعة بها فاطمة ونبي من ازيد اشجعني بها
علي فكرة شن اسمه وليدك
ممكن انكونو اصدقاء يالاميرة الشرقية
سلام

مييمو26
07-29-2009, 08:56 AM
والله اني حايرة لان قالو مزين فاطمة شعيب مكياجها هافت ومش متاع عرايس واني عرسي قريب ارجوووووكم ساعدوني واني شعري طويل وبيضا ومش عارفة اي لون يناسبني

soma82
07-29-2009, 10:00 AM
هى نادية مكياجها حلو وفى النهاية مكياج العروسة حظ فى بنات حلوات يطلعوا عاديات فى عرسهم والعكس ...ومع ذللك انا راى اتنوعى يوم نادية ويوم سهى الحسناء كانا حصلتى عندها وحتى فاطمة شعيب طالعة توا ولحد الان شفتلها 3 عرائس ما شاء الله .

وبالتوفيق وان شاء الله ربى اهنيك والف مبروك مقدما ......

الحلوة
07-29-2009, 04:22 PM
والله يابنات نبي نشارك معاكم من خلال نصيحة صغيرة أن شاء الله تاخدو بيها......
هي الصلاة ...يعني الوحدة بتبني بيت جديد ياريت ما تقصرش في صلاتها , تحاول بقدر الأمكان أنها ما تفوتش ولا صلاة خاصة في هدا اليوم ألي الوحدة فينا تحتاج أن الله يهدي سرها.... والله من وراء القصد...
وأن شاء الله ربي يتمم على كل عروسة. و يفرح كل بنية بما فيهم أنا..........
تقبلو مروري * الحلوة*

منارْ
08-03-2009, 08:04 PM
تفضلي زغروته مني ليك http://www.l5s.net/upjpg/Sew26139.jpg (http://www.l5s.net/)

منارْ
08-03-2009, 08:07 PM
تـــفضلي هدية جوازك http://www.l5s.net/upjpg/23d26328.jpg (http://www.l5s.net/)

منارْ
08-03-2009, 08:07 PM
انا انقولك مكيجي عند ناديه الجزائريه

بنوتة طبرق
08-03-2009, 08:56 PM
الف الف الف الف الف الف الف مبروووووووووووك والله افرحتلك من جدى
العقبال الجميع
والله مانعرف تعرفى انا فى طبرق

شمس الغروب
08-15-2009, 05:16 PM
شكرا ليكم ....والعقباليكم كلكم

أم زين
08-16-2009, 04:06 PM
السلام عليكم يا شموسة انتى ماداما حجزتى عند ناديا فهذا ممتاز جدا وصح بالنسبة للمحضر غيرى خير ننصحك بنجاة النجار حتى هيا مكياجها ايهبل ونازك ....وان شاءالله ربي ايتمم على خير

امل والايام
09-01-2009, 06:15 AM
مبروك الف الف مبروك حبوبه وما تحيرى توكلى على الله وقولى يا رب والعقبه لنا عاد

teto
09-23-2009, 06:55 PM
اهلين شمس..
ألف مبروك وانشالله بالرفاه والبنين ... علي فكرة نقدر انساعدك لو تحبي نعطيك رقم مزينة في شارع الجمهورية .. تقريبا على ماأظن المزين اسمه.... أماسي ....وبالتالي هيا تقدر تنصحك وتبعتك لاي مزينة مليحة وانتي وراحتك..
بس .

أمة الرحمن
10-14-2009, 01:14 AM
كيفك شموستى والله انت ماشاء الله تهبلى ونيتك وهذا الاهم باهيه والعروسة نيتها تخدمها والحظ وجو المزينة يلعب دور تعرفى انا مزين فاتح اجديد وامشيت بالبركة وما حصلتش نادية ومع هذا تغيرت هلبه وراى توكلى وخليك مع نادية والمحضر الافضل تغيرى واستخيرى وحقا ياخاينة حاجزة فى المزين معناها تعرفى موعد العرس هههههههههههههه ربى ايتمم بالخير واحسن حاجة امشى للمزينات وشوفى العرايس عى الطبيعة مش صور كان خلوك

محمد المحجوبي
10-14-2009, 01:16 AM
ما عندي ما انقول إلا ربي أعاونكم وخلاص

ملا عفار من الاول اتزين روحها وبعتالي تتطلع علي حقيقتها ههههههههههههه المهم ربي أسعدكم ويصلح حالكم وخلاص

شدى الاحساس
07-26-2010, 11:32 PM
حتى غزلان فى ابوسليم مش عاااديه يجوهاا من وين ووين

naj
09-14-2010, 01:41 PM
كان تبي تسريحة حلوة عند فاطمة شعيب لكن مكياجها لا معجبنيش في عرسي

ليبيةوافتخر
09-15-2010, 07:07 PM
من الاخير مزينات ليبيا كلهم اخي
حتى الي كانت باهية توا معاش تنفع شي
تعرفي الحل الوحيد جيبي جويل

الغامضة
09-16-2010, 01:58 AM
بالنسبة ليا انى احسن واحدة فاطمة شعيب انموت فيها

الغامضة
09-16-2010, 02:06 AM
تعرفو يابنات انموت فى وحده اسمها فاطمة شعيب مكياجها وتسريحاتها تحفه

الغامضة
09-16-2010, 02:08 AM
من الاخير مزينات ليبيا كلهم اخي
حتى الي كانت باهية توا معاش تنفع شي
تعرفي الحل الوحيد جيبي جويل

فاطمة شعيب حاجة مش عادية واحسن مزينة فى طرابلس كلها

المهندسة لولو
09-19-2010, 06:52 AM
حبيبتى أن نقولك اختيارك صح لان نادية ديما عرايسها حلوات وديرلهم يلى يناسبهم ويمشي معاهم الحق
انى شايفتلها هلبا عرايس حلوات وهادى قصة الفيلو مااعتقدش صح عادى انى عمتى وبنات عمى مشولها
لكن الفيلو مش من المحل الى جنبها انى قلت نبى انقولك على فاطمة شعيب للمحضر لقيتك سألا عليها
حتى هيا عريسها حلوات بريلها بش تتغير احسن ماتقعدى عند نادية حفلة ومحضر مش رح تتفيرى هلبا راه
هدا راى والف مبروك على الزواج وبتعزمينا ولا لا

نــــوإلٍ >
09-23-2010, 04:40 PM
أإوِلأ رِبيٌ يسسعدكـ وِيتمـمأ‘ـكـ عـأـىآآ خيرِ أإنشآءِ آلله ...

تمتَ أإلأجـأإبه عـأـىآآ سوِآللكـِ ... عـذرِآآ لنقـأـه ...

karima
10-15-2010, 12:26 PM
بسم اللة الرحمن الحيم
انا قد زرت" خبيرة التجميل فاطمة شعيب" بعد ان عادت من لبنان بعد فترة طويلة و بعد سؤالي لها اخبرتني بأن كل المنتجات والأدوات والمكياج والمستحضرات الطبية تأتي بها من لبنان ؟وحرصها بلتواصلها الدائم مع العديد من المزينين البنانيين ... و اصبحت معروفة في لبنان في مجال التجميل ايضا" ...

و ما شاء اللة عليها .. زبائنها سيدات راقيات لهم مراكز في الدولة ...

نحن نفتخر بلمبدعين من بلادنا , نفتخر بك يا " فاطمة شعيب "

المغتربه
10-17-2010, 05:42 AM
يُغلق ..


#