المساعد الشخصي الرقمي

مشاهدة النسخة كاملة : المشكله ما بين قبيلة " الصيعــان ونـالــوت ~ .. ( هــام )


حفار القبور
10-01-2011, 09:18 PM
السلام عليكم عليكم ورحمة الله

اكيد سمعتو انه كانت فيه حساسيه بين الصيعان تيجي وبين نالوت على قصة الاراضي ..
اليوم كبرت الحكايه امنين مرآ قتلت 2 من نالوت على خاطرك قتولها راجلها او خوها .
اليوم صار فيها الدق بيناتهم و رح اتصير فيه حرب بين القبائل لانه كل واحد بينحاز لقبيله وهكي رح اتحققو غاية القدافي لانه يبيها حرب قبائليه بين العرب والامازيغ ..
يعني لو بيقعدو على هدا الحال مش رح ايصير طيب واني عارف ره .
بالله خشو ناقشو الموضوع .. اليوم انشوف فيهم باعتين ارتال قدامي ماشين للجبل وربك يستر الثوار رح يبدو في بعض توا .. ان شاء الله ربك يستر وخلاص
احني مافيش فرق بيناتنا احني عيله وحده ره علاش ايديرو هكي مش عارف .

الاتحاد العميد
10-02-2011, 12:18 AM
أنى أمبكرى كلمة ولد جبالى وقالى صارت مشكه.وصح المراه هى ألى قتلة أتنين من نالوت قالت قاتلين راجلى وخوى.
بس لحد الان الاخبار مضاربه.هما من قبل فى حساسيه بينهم.بس مش وقت مشاكل توه.
تعرف يا خوى لو يبو البلاد تمشى القدام.يعلنو عفو عام على الكل.طبعا ألى الروس الكبار هلبه.
ويقفو أعتقالات فى طربلس.حتى منضمة هيومن رايس وتش تكلمة علي الاعتقالات اليوم.وهدى منضمه دوليه كبيره هلبه.لازم يديرو هكى باش يتنحى الغل والحقد فى الناس.لو أستمرت الاعتقالات بطريقه هدى النفوس معاش تهدى.ورح تكرر نفس مشكلة نالوت والصيعان.لازم أنديرو زى ماقال مصطفى عبد الجليل التسامح والعفو العام.لئنه كلنا لبيين.لئنه كلما تزيد الاعتقالات بطريقه هدى النفوس معاش تهدى بكل.لازم من مصالحه وطنيه.

وعلى فكره أنى ولد قالى على أنا توار الصيعان ونالوت ألى فى طرابلس نزلو لى مناطقهم.وربى يستر مش عارف شنى نزلهم بس.ماعرفت.
مشكله كان سال دم بين قبيلتين زى هدم.قبايل كبيره.
وربك موجود ما ينسا حد يا خوى

زاوية وافتخر
10-02-2011, 01:03 AM
اولا اهلين خوي حفار ودوتك صح لو حا نقعدو مشاكل هكي كان معمر متنحاش وكان مناقشناش في امور القبلية ان مفيش فرق بين قبيلة واخري لان لا توجد من الاصل حاجة اسمها قبلية لان كلها دوة معمر واختراعاته وختاريفه ربي يهدي من خلق وع قد ما نحكو محدش بي يسمع لا حول ولا قوة الا بالله العلي العضيم حسبي الله ونعم الوكيل فيك يا قردافي الله لاتربحك سبحان الله وكان حاجة جديدة مدويناش فيبها شكرا حفار ع الموضوع الرائع والله جي طرحه في وقته كلنا مسلمين وكلنا خوت وكلنا ليبين كيف هكي بش عارفة امازيغ وعرب خوت

ايمن المشاغب
10-02-2011, 01:29 AM
لاحول ولاقوة الا بالله
ربى يستر

Queen~Abir
10-02-2011, 01:36 AM
لاحول ولا قوة الا بالله العلى العظيم ،،

يسترالله ،، ان شاء الله تنتهى القصة على خير ،،

الستر يااااااربي الستر ،،

الاتحاد العميد
10-02-2011, 01:43 AM
مش عارف كلام مش أكيد.بس ولد قال ممكن أنحزة .وخشو فيها شيبين الزنتان والرجبان.بس الولد قال مش متأكد.
وهى الكشله أنشاله ما طاح دم هلبه بين القبيلتين.باش ماتقعد تارات ديما

ايمن المشاغب
10-02-2011, 02:23 AM
انشاءلله

علامة استفهام
10-02-2011, 07:08 AM
صح كلامك يا زعيم بس انى عندى اصدقاء من قبيلة الصيعان ومع تواصل معهم
قبيلة نالوت هى من بدات فى المشكلة
انقوللكم كيف وانتم احكمو
نالوت قريبة من قبيلة الصيعان ومند تحرير الجبل كله ونالوت لا تريد مغادرة قبيلة الصيعان
ع اساس ادور فى المطوعين وتحمى فى القبيلة وهدا الامر لا يريده قبائل الصيعان
وثوار الصيعان اصطدمو مع ثوار نالوت عدة مرات وتدخلت قبيلة الزنتان بالامر ولكن دون جدوى
قبيلة نالوت لا تريد الخروج من ارض الصيعان بحجة الخوف من الطابور الخامس
اولآ لنفرض ان هناك طابور خامس المفروض منطقة اخرى تدخل اراضى الصيعان وليس قبيلة نالوت
والتى نعلم كلنا بانها ع خصام مع الصيعان
نالوت من فترة شهر او اكثر دارو ما يبو فى اراضى الصيعان ومعهم اسلحة ثقيلة
ولكن بالامس اتحد ثوار الصيعان وبعض ثوار المناطق المجاورة ومعهم العتاد
وقامو بالدهاب الى الجبل وعند وصولهم تم التحاور مع نالوت واجبارها ع الانسحاب من الصيعان بامر من المجلس العسكرى

بالنسبة للمراءة التى قتلت رجلين اكد لى احد ابناء الصيعان بانه هده المراة تم قتل اخوتها الاثنين امام عينيها
من ثوار نالوت بعد مشاجرة بينهم من فترة ليست بعيدة يعنى من عشرة ايام تحديدآ
وبالامس دهبت المراة لتزور قبور اخوتها فى مقبرة بدر ولكن ثوار نالوت منعوها فلم تتحمل المرة فدهبت الى سيارة زوجها اللذى كان ينتظرها واخرجت سلاح كلاشن كوف وقتلت اثنين واصابت الثالث فقتلها احد ثوار نالوت بسلاح 14 ونص ثم رمى السيارة التى كان يوجد بها زوجها وقتله للعلم الزوج لم يتدخل ولم ينزل من السيارة
واحتمال يكون معاااق اساسآ
بعدها سمعت قبيلة نالوت بالامر فنزلت ومعها كل الاسلحة الثقيلة وهاجمو اراضى الصيعاان وقتلو عدة شباب واخدو اسلحتهم وحرقو 20 منزل واسرو ما يقارب عن 40 شاب وكلهم من الثوار للعلم لا علاقة للقردافى فى الموضوع
ان استمرت هده المهزلة ستسبب حرب بين العرب والامازيغ
هدا الكلام منقول عن اصداقى حرفيآ
كنت هنا علامة استفهام

مصراتينيو
10-02-2011, 07:37 AM
ربي يهدي النفوس وتذكروا أن في يوم أخره وحساب ولاتنسوا بأنكم مسلمين

ليبية وراسي عالي
10-02-2011, 07:40 AM
لاحول ولاقوة الا بالله.....
ربي يهديهم ان شاء الله......
علاش ايديرو هكي الصراحة هكي معمر وجماعته يتشمتو فينا وفي ثورتنا بعدين لما طلع الشعب الليبي طلعو من اجل ليبيا مش عشان قبيلة او اتنين احنا كلنا قبيلة وحدة وهي ليبيا كلنا دم واحد وقلنا كلمة وحدة .........ياريت مايصيرش من هذا كله..........

الاتحاد العميد
10-02-2011, 10:41 AM
صح كلامك يا زعيم بس انى عندى اصدقاء من قبيلة الصيعان ومع تواصل معهم
قبيلة نالوت هى من بدات فى المشكلة
انقوللكم كيف وانتم احكمو
نالوت قريبة من قبيلة الصيعان ومند تحرير الجبل كله ونالوت لا تريد مغادرة قبيلة الصيعان
ع اساس ادور فى المطوعين وتحمى فى القبيلة وهدا الامر لا يريده قبائل الصيعان
وثوار الصيعان اصطدمو مع ثوار نالوت عدة مرات وتدخلت قبيلة الزنتان بالامر ولكن دون جدوى
قبيلة نالوت لا تريد الخروج من ارض الصيعان بحجة الخوف من الطابور الخامس
اولآ لنفرض ان هناك طابور خامس المفروض منطقة اخرى تدخل اراضى الصيعان وليس قبيلة نالوت
والتى نعلم كلنا بانها ع خصام مع الصيعان
نالوت من فترة شهر او اكثر دارو ما يبو فى اراضى الصيعان ومعهم اسلحة ثقيلة
ولكن بالامس اتحد ثوار الصيعان وبعض ثوار المناطق المجاورة ومعهم العتاد
وقامو بالدهاب الى الجبل وعند وصولهم تم التحاور مع نالوت واجبارها ع الانسحاب من الصيعان بامر من المجلس العسكرى

بالنسبة للمراءة التى قتلت رجلين اكد لى احد ابناء الصيعان بانه هده المراة تم قتل اخوتها الاثنين امام عينيها
من ثوار نالوت بعد مشاجرة بينهم من فترة ليست بعيدة يعنى من عشرة ايام تحديدآ
وبالامس دهبت المراة لتزور قبور اخوتها فى مقبرة بدر ولكن ثوار نالوت منعوها فلم تتحمل المرة فدهبت الى سيارة زوجها اللذى كان ينتظرها واخرجت سلاح كلاشن كوف وقتلت اثنين واصابت الثالث فقتلها احد ثوار نالوت بسلاح 14 ونص ثم رمى السيارة التى كان يوجد بها زوجها وقتله للعلم الزوج لم يتدخل ولم ينزل من السيارة
واحتمال يكون معاااق اساسآ
بعدها سمعت قبيلة نالوت بالامر فنزلت ومعها كل الاسلحة الثقيلة وهاجمو اراضى الصيعاان وقتلو عدة شباب واخدو اسلحتهم وحرقو 20 منزل واسرو ما يقارب عن 40 شاب وكلهم من الثوار للعلم لا علاقة للقردافى فى الموضوع
ان استمرت هده المهزلة ستسبب حرب بين العرب والامازيغ
هدا الكلام منقول عن اصداقى حرفيآ
كنت هنا علامة استفهام
على القصه هدى يا خوى.الصيعان مش غالطين.وتبى الحق عندهم حق.بعدين مش من حق نالوت تقعد فى الصيعان.مش رح تهدى بكل.هدى قبيله ماتقبل برانى معاهم.ومش كل شى يستعمل فيه سلاح تقيل
بس معقوله قتلو المراه.مشكله هدى.ربى يستر مش عارف توه نشوف الاولد ألى غادى ونجيبو الاخبار

بنوته بنغازية
10-02-2011, 11:56 AM
ربي يستر كل شي الا حرب قبلي في ليبيا ربي يهديهم ويحفظهم

علي طرابلس
10-02-2011, 12:20 PM
شكرا اخى ع الطرح القيم جدا


الموضوع في غاية الاهمية


اولا يجب ان نعترف ان في مشكلة ..لكي نحلها


وعدم تجاهلها او تقليل منها

المشلكة هى على مستوى ليبيا

فهناك مشاكل بين مصراتة وتاغوراء

ومشاكل بين زوراء والجميل


ومشاكل بين الصعيان ونالوت

الحل :

هو الاسلام..الحمد لله ان الدى يجمع هذا القبائل العريقة

هو الاسلام وليبيا..

والدين يتحم علينا

الاعتراف بالخطا..وتقديم الدين يتب عليهم الدئب ( خاصة الشرف)

تم السرقات..تقديمهم الي اصحاب الدم ..القصاص او العفو

يجب ان تملك الصراحة والشجاعة

ونعالج الامور من اساسها

الاساس هو كما قال الرسول الكريم صلى عليه وسلم:


إِ(..نَّ دِمَاءَكُم وَأَمْوَالَكُم حَرَامٌ عَلَيكُم إِلَى يَوْمِ تَلْقَونَ رَبَّكُم؛ )


يجب يعاقب كل من نال من الدم والمال والشرف الليبي

الصالح والطالح في كل مكان

قد تجمع العائلة الواحدة عالم وفاسق للاسف

فضلاً على القبيلة التي هي عائلة كبيرة

يجب الاستماع الي صوت العقل والحكمة

وتضبيق القانون بالتي هي احسن

ولا يحق لاحد ان ياخد حقه بيده... بل يترك ذلك للقانون



فضلا على القبيلة

حفار القبور
10-02-2011, 04:26 PM
صح كان اتجي اتشوف الكلام الصحيح مفروض نالوت ما تقعدش في ارض الصيعان .

مش خشوها على خاطر كتائب القدافي وينهم الكتائب توا ؟؟

خلاص كل واحد يلها في منطقته ويحرسها و ايأمنها بروحه علاش يمشي للغير

ولا هيا اني حررتها اني بناخدها والله غلط الي قاعدين ايديرو فيه النواليت

اني ولد عمي من صويعي من تيجي حكالي القصه كلها ..

تي والله في حالها الصيعان بس نالوت لقطو منها جماعه هلبه وحرقو حياشهمخ وهدي اكبر غلطه

بالله قولولي يا ناس نبي نعرف اني الحوش شنو دنبه تحرق فيه !!

تي الحوش هدا حوش اماليه ماليشي علاقه في الشخص الي انت جاي بتعتقله

تبي اتشده هوا برا دوره تلقاه شده عادي بس الحوش غلط والله غلط

اني بروحي في بلادنا حارقين حياش ناس والله كل ما نمشي غادي وانشوفها نتأسف عليهم .

قصدي اني الي واجعتني اكثر حاجه تيجي وبدر والله حرقو فيها حياش هلبه حرام عليهم .

وفي مشكلة امس والله نالوت ما دارو طيب في تيجي كسرو وخدو سيارات السياره الي يلقوها امدرسه ايقيموها ..

تي وين المجلس المحلي ما يتكلمش و وين المجلس العسكري ما دارش حاجه !!

هكي رح تتشوه صورة الثوره كان زاد الموضوع على اكثر من حده ..

صدقوني احني الشي هدا ما نبوشي تي اني والله فرحان انه بدينا عيله وحده

اصلا قصة القبائل انحطت بالعاني بش تتفرق بالساهل >> فرق تسد

واحني بعد الثوره هدي خلاص معادش عندنا حاجه تتمسى قبائل احني كلنا عيله وحده تتمسى ليبيا

تعالو في طرابلس في ميدان الشهداء شوف كيف اقسم بالله عرب وامازيغ مع بعض خوت يا ناس والله خوت

وان شاء الله ربي يستر وما ايصيرش الي خايفين منه بالخاصه من جيهة الجبل لانه رح يتسكر الي بنيناه

الاتحاد العميد
10-02-2011, 05:20 PM
صح كان اتجي اتشوف الكلام الصحيح مفروض نالوت ما تقعدش في ارض الصيعان .

مش خشوها على خاطر كتائب القدافي وينهم الكتائب توا ؟؟

خلاص كل واحد يلها في منطقته ويحرسها و ايأمنها بروحه علاش يمشي للغير

ولا هيا اني حررتها اني بناخدها والله غلط الي قاعدين ايديرو فيه النواليت

اني ولد عمي من صويعي من تيجي حكالي القصه كلها ..

تي والله في حالها الصيعان بس نالوت لقطو منها جماعه هلبه وحرقو حياشهمخ وهدي اكبر غلطه

بالله قولولي يا ناس نبي نعرف اني الحوش شنو دنبه تحرق فيه !!

تي الحوش هدا حوش اماليه ماليشي علاقه في الشخص الي انت جاي بتعتقله

تبي اتشده هوا برا دوره تلقاه شده عادي بس الحوش غلط والله غلط

اني بروحي في بلادنا حارقين حياش ناس والله كل ما نمشي غادي وانشوفها نتأسف عليهم .

قصدي اني الي واجعتني اكثر حاجه تيجي وبدر والله حرقو فيها حياش هلبه حرام عليهم .

وفي مشكلة امس والله نالوت ما دارو طيب في تيجي كسرو وخدو سيارات السياره الي يلقوها امدرسه ايقيموها ..

تي وين المجلس المحلي ما يتكلمش و وين المجلس العسكري ما دارش حاجه !!

هكي رح تتشوه صورة الثوره كان زاد الموضوع على اكثر من حده ..

صدقوني احني الشي هدا ما نبوشي تي اني والله فرحان انه بدينا عيله وحده

اصلا قصة القبائل انحطت بالعاني بش تتفرق بالساهل >> فرق تسد

واحني بعد الثوره هدي خلاص معادش عندنا حاجه تتمسى قبائل احني كلنا عيله وحده تتمسى ليبيا

تعالو في طرابلس في ميدان الشهداء شوف كيف اقسم بالله عرب وامازيغ مع بعض خوت يا ناس والله خوت

وان شاء الله ربي يستر وما ايصيرش الي خايفين منه بالخاصه من جيهة الجبل لانه رح يتسكر الي بنيناه
واللهى شى غريب توه كلمة ولد صويعى.على قاهولى نفس كلمك يا خوى.
عيب واللهى عيب ألى داروه نالوت.توه عاد ألى عنده سلاح تقيل يجى يكوش على الناس.أحنا مش فى غابة.ليش حرق الحياش مش حرام.وتبو الحق هلبه أعتقالات صارت لى الصيعان.وهدا الشى رح يولد غل كبير.أنى نعرف هلبه صيعان جيران اليوم ركبو لصيعان.
خالص أسحب السلاح التقيل وفكونه منه.
وربى يستر توه صدقونى بعد حرق الحياش ألى صار فى الصيعان من صعب الصيعان ينسو شنى درولهم نالوت.ويقعدو كل ديما أيدورو فى سبلة.
خالص خلو الصيعان لناسه.ونالوت ترجع لمنطقته.

وربى يستر وخالص.

تقوي الله
10-02-2011, 05:29 PM
لا حول ولا قوة الا باالله
ربي يستر ان شاء الله