المساعد الشخصي الرقمي

مشاهدة النسخة كاملة : هل انتم مع المنهج السنغفوري؟


بنت ليبيا2009
10-13-2010, 12:18 PM
السلام عليكم

في السنوات الاخيره قاموا يغيروا في المناهج
وقالوا على طريقه سنغفورا
هم غيروه
والمشاكل طلعت:
الملاك طلع المدرسين
والمناهج واعره
الطلبه يشكوا واولياء الامور يشكو ما فيه مدرسين والامناهج واعره

سوالي انتم معا هذا المنج والا المهج الاول احسن
هل تشجعوا التمليك
شن مشاكل هلي جت منه
يعني بالصريح هلي تبوه قولوه

الاتحاد العميد
10-13-2010, 12:54 PM
أنى عندى أختى مدرسه.وتوه يعطو فيهم دوره على المنهج الجديد.
قتلى المنهج جايبينه من ماليزيا .ولا سنغفوره مش مدكر.
المهم قتلى جابوه وترجموه وبعدها نزل فى المدارس.

واللهى عار ألى صاير فى التعليم.
كل سنه منهج.
ومنهج السنه هدى متع التانويه منهج صغار.مايجى لى طلاب بيقرو فى جامعات ومعاهد عليا.

من المعروف أنا سر تقدم أى بلاد فى العالم .هما قطاعين
قطاع الصحه وقطاع التعليم.والاتنين عندنا كل يوم لى الخلف.ليك الله يا ليبيا
مشكوره على الموضوع

بنت ليبيا2009
10-13-2010, 01:04 PM
والله كلامك جد
التعليم قد ماله لاسوء
ومشكور عللى الرد

المغتربه
10-13-2010, 01:06 PM
أشكرك أخيتي ع طرحكِ لهذا الجانب المهم .. ع الرغم أني لم اطلع ع المناهج منذ فتره ولا علم لي بها .. ولكن من خلال شكاوى الطلاب والأهالى التى تدور ع صعوبة المنهج ..

من الجميل أن يكون المنهج صعب ع أن نجد اساتذه ومعلمين كفؤ في المقابل .. وكيف نأتي بهذا من خلال الدورات التدربيه المستمره .. ولكن إستراتجية تغير المناهج يأتي في الوقت الذي نجد بأن المدرسين ينقصهم الكثير هنا يكمن العيب والخطاء .. أنا درست الثانويه عندما كانت مناهجها صعبه جداً ولكن إستفدت كثيراً في مرحلتي الجامعيه ولله الحمد .. ولكن المناهج عام نجدها صعبه وعام سهله ولا ندري لما وما المقصود !!!..



نتمنى أن يتحسن ويتقدم التعليم إلى الامام .. حتى نواكب العلم والتقنيه العالميه ..


جزاكِ الله خيرا ..



تقبلي نزف قلمي مع شكري وإمتناني ..

تحيآتي ..#

بنت ليبيا2009
10-14-2010, 12:53 PM
أنا درست الثانويه عندما كانت مناهجها صعبه جداً ولكن إستفدت كثيراً في مرحلتي الجامعيه ولله الحمد .. ولكن المناهج عام نجدها صعبه وعام سهله ولا ندري لما وما المقصود !!!..


المشكله يا اختي مناهج الاعدادي والابتدائي اصعب من الثانوي
وهدي المشكله

مشكوره على الرد

Jewellery
10-14-2010, 02:01 PM
انا شوفت منهج جديد

اطلعت عليه

بصراحة منهج اللي قبله اصعب بهلبة

واللي اقروا مناهج قديمة قبل مايطلع منهج سنغافوري

هادوا علماء قدام اللي طلاب اللي يقروا في منهج سنغفوري

تي طالب توا يطلع من تانوي مافي شي في دماغه بكل

انا اللي قريته مايجي شي قدام مناهج بسيطة هادي

في نهاية منهج ساهل مش صعب وانا نعتبره نوع من تطوير

من رغم انه مافيش فايدة كبيرة

وشعب ليبي شعب صعب ترضيه

كل شي مش عاجبه مناهج وطريقة امتحان الكتروني

الخلل فيكم مش فيهم

تحياتي لك

asma mohammad
10-14-2010, 04:18 PM
يجيبوا منهج سنغافورى يجيبوا منهج فسفورى النتيجة وحدة ماداما مافيش نية صادقة فى الإصلاح . ما نقول غير ربى يهدى ولاة أمورنا ويرزقهم البطانة الصالحة .

نسائم ليبيا
10-15-2010, 04:57 PM
موضوع مهم والمنهج الجديد صعب وكلنا درسنا المنهج القديم ونقارن بينه وبين الحالى صعب جدااااااا وخاصه الابتدائى والله حرام شوفو منهج الصف الاول وياريت يتم النقاش فى الموضوع
لكى شكرى

Mr.Billy
10-16-2010, 12:04 AM
على حسب علمي ان هذا المنهج

كل مجموعة تشترك في أسئلة معينة

ولكن هذا ليس بجيد للطلبة المجتهدين الذين يدرسون طوال الوقت


وممتاز للطلبة الذين لآيدرسون لأن الشخص الذي سيدرس سيحل الأسئلة لوحده



وإذا ضاع سؤال معين فـ سيضيع على المجموعة بالكامل

ولن يتسبب الطالب المجتهد بالأذى لنفسه


بإختصـــار سألخص ردي بكلمة واحدة !!


( ظـــلــــم ) !!

بنت ليبيا2009
10-16-2010, 12:16 PM
يا اخيJewellery

صحيح المهج السنغفوري اسهل من السابق بالنسبه للاجيال السابقه
لكن طلبة توا ما بالهم في القران
وبعدين حتى العيب في المدرسين




asma mohammadيا اختي

اي اصلاح
الا دمار


يا نسائم ليبيا

هدا السبب في كتابتي للمضوع
حرام منهج الصف الثامن رياضيات هدا منهج احصاء


ياMr.Billy

يعني كلهم في الهوا سوا


ومشكورين واجد على الردود

ملاك وعيونى هلاك
10-18-2010, 12:17 AM
اولا مشكوره على طرحك الجميل والمهم

ثانيه المنهج الجديد جميل وطريقته ساهله

وبالعكس انا مع الطريقه هذى لانها بسيطه

جدا وانا عندى ورقة نموذج..

الطريقة الساهله لطريقة المنهج

وكيف يجيك وكيف تعرفيه

بس صحيح الطريقه الاولى

احسن بس هم اكيد يبو

التطوير والتحسن وتحسين

الطالب واكيد يبو الشى الساهل

ويلى يمشى مع المجتمع

وبصراحه هكى احلى

مشكوره مره اخرى

على الطرح

فى رعاية الله